ເກີດເຫດລະເບີດສອງເທື່ອຢູ່ພາກໃຕ້ປະເທດໄທ
ສື່ມວນຊົນໄທລາຍງານວ່າ, ຕອນບ່າຍວັນທີ 9 ພຶດສະພານີ້ຢູ່ແຂວງປັດຕານີພາກໃຕ້ຂອງໄທໄດ້ເກີດເຫດລະເບີດສອງເທື່ອ, ສົ່ງຜົນເຮັດໃຫ້ 40 ຄົນບາດເຈັບ.
ເຈົ້າໜ້າທີ່ຕຳຫຼວດທ້ອງຖິ່ນລາຍງານວ່າ, ເວລາປະມານ 14 ໂມງຂອງວັນທີ 9 ພຶດສະພານີ້, ລະເບີດລູກໜຶ່ງໄດ້ແຕກຢູ່ຮ້ານຄ້າແຫ່ງໜຶ່ງໃນແຂວງປັດຕານີເຊິ່ງເຫດດັ່ງກ່າວບໍ່ໄດ້ເຮັດໃຫ້ຄົນເສຍຊີວິດແລະບາດເຈັບແຕ່ປະການໃດ, ຫຼັງຈາກນັ້ນເຈົ້າໜ້າທີ່ຕຳຫຼວດໄປກວດກາຢູ່ຈຸດເກີດເຫດ. ແລະໃນໄລຍະກວດກາດັ່ງກ່າວ, ມີລົດກະບະຄັນໜຶ່ງຢູ່ໃກ້ຮ້ານຄ້າໄດ້ລະເບີດ, ສົ່ງຜົນເຮັດໃຫ້ເຈົ້າໜ້າທີ່ຕຳຫຼວດ, ທະຫານແລະປະຊາຊົນປະມານ 40 ຄົນບາດເຈັບ.
ປັດຈຸບັນຜູ້ບາດເຈັບໄດ້ສົ່ງໄປປິ່ນປົວຢູ່ໂຮງໝໍທ້ອງຖິ່ນແລ້ວ. ຂະນະທີ່ເຈົ້າໜ້າທີ່ຕຳຫຼວດໄດ້ປິດກັນຈຸດເກີດເຫດແລະພວມສືບສວນຫາຜູ້ກໍ່ເຫດ.
Cr:CRI-FM93
ไม่มีความคิดเห็น:
แสดงความคิดเห็น