ບໍລິສັດ SpaceX ສົ່ງຍານ ທີ່ຖືກນຳ ມາໃຊ້ຄືນ ເປັນຄັ້ງທຳອິດ ຂຶ້ນໄປ

ບໍລິສັດ SpaceX ໄດ້ປ່ອຍຍານອາວະກາດທີ່ຖືກນຳມາໃຊ້ຄືນເປັນຄັ້ງທຳອິດໃນວັນ
ເສົາວານນີ້, ດ້ວຍການຂົນສົ່ງອຸປະກອນການວິໄຈ ແລະ ວັດສະດຸຕ່າງໆໄປສະຖານີ
ອາວະກາດນານາຊາດ.

ນອກຈາກວັດສະດຸຕາມປົກກະຕິແລ້ວ, ການຂົນສົ່ງທີ່ມີນໍ້າໜັກ 6,000 ປອນຂອງບໍລິ
ສັດ SpaceX ຄັ້ງຫຼ້າສຸດນີ້ ກໍລວມມີ ໜູ ແລະ ແມງວັນສຳລັບການຄົ້ນຄວ້າ, ແຜ່ນດູດ
ພະລັງງານແສງອາທິດທີ່ກໍ້ໄດ້ ແລະ ເຄື່ອງກວດຈັບດາວໃນອາວະກາດ.

ຫຼັງຈາກການເລື່ອນເວລາ 2 ວັນຍ້ອນພາຍຸຝົນ, ຈະຫຼວດ Falcon 9 ທີ່ບໍ່ມີຄົນຂັບກໍ
ໄດ້ບິນຂຶ້ນສູ່ທ້ອງຟ້າ ນຳພາກ່ອງຊື່ວ່າມັງກອນ ທີ່ໄດ້ຖືກສົ່ງໄປສະຖານີອາວະກາດ
ຄັ້ງທຳອິດເມື່ອເກືອບສາມປີທີ່ຜ່ານມາ.

ຈະຫຼວດທີ່ໄດ້ບິນອອກໃນວັນເສົາວານນີ້ເຄີຍເປັນຈະຫຼວດໃໝ່ອ່ຽມ ແລະ ຕອນນີ້ໄດ້
ຖືກນຳມາປັບປຸງ, ມັນໄດ້ບິນກັບສູ່ຖານີອາວະກາດ Cape Canaveral ຫຼັງຈາກໄດ້
ບິນຂຶ້ນ ສຳລັບການລົງຈອດທາງຕັ້ງຢ່າງປະສົບຄວາມສຳເລັດ.

ແຜນການແມ່ນເພື່ອປ່ອຍຈະຫຼວດອີກຄັ້ງໝຶ່ງ. ການນຳໃຊ້ຈະຫຼວດຄືນ ແລະ ນຳສົ່ງ
ກ່ອງອາວະກາດ ແມ່ນສ່ວນໜຶ່ງຂອງຄວາມພະຍາຍາມເພື່ອຄວບຄຸມຄ່າໃຊ້ຈ່າຍຂອງ
ບໍລິສັດ SpaceX.

ເມື່ອສອງເດືອນທີ່ຜ່ານມາ, ບໍລິສັດ SpaceX ໄດ້ປ່ອຍຈະຫຼວດທີ່ຖືກນຳມາໃຊ້ຄືນເປັນ
ຄັ້ງທຳອິດ ໃນການດຳເນີນພາລະກິດຢູ່ເທິງດາວທຽມ.

ການບິນອີກຄັ້ງໜຶ່ງທີ່ປະກອບມີການນໍາໃຊ້ຈະຫຼວດເກົ່າ ແມ່ນຈະມີຂຶ້ນໃນທ້າຍເດືອນ
ນີ້.

ທິ່ມາ:voalao