ເບິ່ງວິດີໂອໃນ YouTube ແບບບໍ່ໃຊ້ເນັດ
ຖ້າທ່ານເປັນຄົນໜຶ່ງທີ່ມັກເບິ່ງວິດີໂອໃນ YouTube, ເຊື່ອວ່າ ທ່ານຈະຄ້ອງເຄີຍມີປະສົບການທີ່ຢາກຈະເກັບວິດີໂອໄວ້ໃນເຄື່ອງ ເພື່ອເບິ່ງພາຍຫຼັງ ຢ່າງແນ່ນອນ. ແລະກໍເຫັນຫຼາຍໆຄົນໃຊ້ແອັພຊ່ວຍດາວໂຫຼດ, ເຊັ່ນໃນໂທລະສັບຝັ່ງ android ກໍຈະນິຍົມໃຊ້ ແອັບ TubeMate ເຊິ່ງເປັນແອັພເຖື່ອນ. ແຕ່ເມື່ອບໍ່ດົນມານີ້ເອງ ທາງ YouTube ໄດ້ເພີ່ມຄວາມສາສມາດໃໝ່ ເຊິ່ງໄດ້ອະນຸຍາດໃຫ້ຜູ້ໃຊ້ສາມາດໂຫຼດວິດີໂອເກັບໄວ້ໃນເຄື່ອງໄດ້ ໃນແອັພຂອງ YouTube ໂດຍກົງເລີຍ, ຄວາມສາມາດນີ້ສາມາດໃຊ້ໄດ້ທັງລະບົບ Android ແລະ iOS ໂດຍທີ່ບໍ່ຕ້ອງຕິດຕັ້ງແອັພຫຍັງເພີ່ມເຕີມເລີຍ, ເຮັດໃຫ້ມີຄວາມສະດວກຍິ່ງຂຶ້ນ.
ເພື່ອບໍ່ເປັນການເສຍເວລາ
ເຮົາມາເລີ່ມ
1) ເມື່ອເບິ່ງວິດີໂອ, ສັງເກດວ່າຈະມີຮູບດາວໂຫຼດຂຶ້ນມາທາາງລຸ່ມ ໃຫ້ກົດເພື່ອຫໂຫຼດໄດ້ໂດຍກົງເລີຍ
2) ຫຼັງຈາກທີ່ໂຫຼດວິດີໂອແລ້ວ, ເມື່ອຕ້ອງການຢາກເບິ່ງ ກໍພຽງແຕ່ເຂົ້າໄປແທັບ Offline ກໍຈະເຫັນວິດີໂອທີ່ດາວໂຫຼດໄວ້. ພຽງເທົ່ານີ້ກໍສາມາດເບິ່ງວິດີໂອໄດ້ໂດຍບໍ່ຈຳເປັນຕ້ອງເນັດອີກ.
3) ແຕ່ກໍມີບາງວິດີໂອທີ່ບໍ່ສາມາດໂຫຼດໄດ້ ຍ້ອນທາງເຈົ້າຂອງຊ່ອງ ທີ່ອັພໂຫຼດວິດີໂອນັ້ນໆ ບໍ່ອະນຸຍາດໃຫ້ຜູ້ໃຊ້ໂຫຼດວິດີໂອເກັບໄວ້ໄດ້, ເຊິ່ງອາດຈະຕິດບັນຫາໃນເລື່ອງຂອງລິຂະສິດ ຫຼື ຊັບສິນທາງບັນຍາ, ເປັນຕົ້ນແມ່ນວິດີໂອເພງ ທີ່ບໍ່ອະນຸຍາດໃຫ້ໂຫຼດໄດ້ເລີຍ.
4) ແລະ ໃນການດາວໂຫຼດຄັ້ງທຳອິດ YouTube ຈະໂຫຼດກໍເມື່ອໂທລະສັບຂອງເຮົາຕໍ່ກັບ wifi ເທົ່ານັ້ນ, ຖ້າຢາກໃຫ້ມັນໂຫຼດໂດຍໃຊ້ໂທລະສັບເອງເລີຍ ກໍແມ່ນໃຫ້ເຂົ້າໄປ ຕັ້ງຄ່າ ແລ້ວໝາຍຖືກຢູ່ໂຕ Add over wifi only ອອກ, ເທົ່ານີ້ກໍຮຽບຮ້ອຍ.
ແລະ ອີກຢ່າງໜຶ່ງ…
ສຳລັບຄົນທີ່ຍັງບໍ່ຮູ້, ຕອນນີ້ແອັພ YouTube ໄດ້ຮອງຮັບການສະແດງຜົນເມນູເປັນພາສາລາວແລ້ວ ( ສຳລັບໂທລະສັບແອນດຣອຍບາງລູ້ນທີ່ຮອງຮັບພາສາລາວ ).
ທີ່ມາ:http://mobiletalk.tv/
ไม่มีความคิดเห็น:
แสดงความคิดเห็น