ປອນ ປ໊ອກບາ ກອງກາງທີມຊາດຝຣັ່ງ ເຊັນສັນຍາຍ້າຍຈາກຢູເວນຕຸສ ກັບໄປຫຼິ້ນໃຫ້ ແມນເຊສເຕີ ຢູໄນເຕັດ ເປັນທີ່ຮຽບຮ້ອຍແລ້ວ ເມື່ອວັນທີ 9 ສິງຫາທີ່ຜ່ານມາ ເປັນການສິ້ນສຸດການຊື້-ຂາຍທີ່ກອງເຊຍລຸ້ນມາຕັ້ງແຕ່ທ້າຍລະດູການກ່ອນ.
ສື່ອັງກິດລະບຸວ່າ ປ໊ອກບາ ເຊັນສັນຍາ 5 ປີ ຄ່າຕົວ 89 ລ້ານປອນ ສູງທີ່ສຸດໃນປະຫວັດສາດວົງການເຕະບານ ລົບສະຖິຕິເດີມ 85 ລ້ານປອນ ເຊິ່ງ ຣີວ ມາດຣິດ ຈ່າຍໃຫ້ ທັອດແນມ ຮັອດສະເປີ ເພື່ອຄວ້າຕົວ ແກເຣັດ ເບວ ໄປຮ່ວມທີມເມື່ອປີ 2013.
ປ໊ອກບາ ກ່າວວ່າ ແມນຢູໄນເຕັດ ຄືສະໂມສອນທີ່ເໝາະສົມທີ່ສຸດສຳລັບຕົນ ເພາະເຊື່ອວ່າ ເປັນບ່ອນທີ່ຈະຊ່ວຍຢິບຍື່ນຄວາມສຳເລັດທຸກຢ່າງທີ່ເຄີຍໄຝ່ຝັນໄວ້ໄດ້ ດີໃຈທີ່ໄດ້ກັບມາຫຼິ້ນໃຫ້ແມນຯຢູ ອີກຄັ້ງ ເພາະເປັນໜຶ່ງທີມໃນດວງໃຈ ແລະ ຕັ້ງຕາລໍຄອຍທີ່ຈະໄດ້ຮ່ວມວຽກກັບ ໂຈເຊ່ ມູຣິນໂຢ່ ຢ່າງຍິ່ງ.
ນອກຈາກນີ້ ປ໊ອກບາ ຍັງໂພສຂອບໃຈທີມຢູເວນຕຸສ ໃນທວິດເຕີສ່ວນຕົວວ່າ ຂໍຂອບໃຈສະໂມສອນ ແລະ ກອງເຊຍທຸກຄົນ ການກ່າວລາບໍ່ມີຄວາມໝາຍໃດໆ ເພາະເວລາທີ່ເຄີຍໄດ້ໃຊ້ຮ່ວມກັນຕ່າງຫາກທີ່ສຳຄັນທີ່ສຸດ.
ດ້ານ ມູຣິນໂຢ່ ຜູ້ຈັດການໃໝ່ ເຊິ່ງມີພາລະກິດພາ ແມນຢູ ກັບສູ່ຄວາມຍິ່ງໃຫຍ່ ກ່າວເຖິງການດຶງ ປ໊ອກບາ ທີ່ ແມນຢູເຄີຍຂາຍໃຫ້ຢູເວນຕຸສ ໃນລາຄາຖືກໆເມື່ອປີ 2012 ວ່າ ເຊື່ອວ່ານັກເຕະໄວ 23 ປີ ມີສັກກະຍະພາບທີ່ຈະເປັນຜູ້ຫຼິ້ນຫົວໃຈສຳຄັນຂອງທີມ ນັບຈາກນີ້ໄປອີກກວ່າ 1 ທົດສະວັດ ເນື່ອງຈາກເປັນໜຶ່ງໃນນັກເຕະທີ່ດີທີ່ສຸດຂອງຍຸກປັດຈຸບັນ ມີທັງຄວາມໄວ ຄວາມແຂງແກ່ນ ສັນຊາດຍານໃນການຍິງປະຕູ ແລະ ອ່ານເກມໄດ້ເດັດຂາດກວ່ານັກເຕະທີ່ອາຍຸຫຼາຍກວ່າເຂົາຫຼາຍຄົນ.
ไม่มีความคิดเห็น:
แสดงความคิดเห็น