ເຊື່ອໄດ້ເລີຍວ່າສຳລັບຄົນທີ່ມັກຮັກໃນເລື່ອງໄອທີແລ້ວ ຕ້ອງເຄີຍໄດ້ຍິນຄຳວ່າ: ປັນຍາປະດິດ ຫຼື AI ແຕ່ເຊື່ອວ່າຍັງມີຫຼາຍຄົນ ທີ່ຍັງບໍ່ຮູ້ຄວາມໝາຍໂດຍລະອຽດ. ດັ່ງນັ້ນ, ມື້ນີ້ເຮົາມາຮູ້ຈັກຄຳນີ້ນຳກັນໃຫ້ແໜ້ນຂຶ້ນກັນເລີຍ.
AI : Artificial Intelligence ຫຼື ປັນຍາປະດິດ ເຊິ່ງເປັນຂະແໜງການໜຶ່ງຂອງວິທະຍາສາດຄອມພິວເຕີ ທີ່ເຮັດໃຫ້ຄອມພິວເຕີມີຄວາມສາມາດຄ້າຍກັບມະນຸດ ຫຼື ຮຽນແບບພຶດຕິກຳມະນຸດ ໂດຍສະເພາະແມ່ນຄວາມສາມາດໃນການຄິດເອງໄດ້ ຫຼື ມີປັນຍານັ້ນເອງ ເຊິ່ງປັນຍານີ້ແມ່ນມະນຸດເປັນຜູ້ສ້າງໃຫ້ກັບຄອມພິວເຕີ ຈຶ່ງເອີ້ນວ່າ: “ປັນຍາປະດິດ”. ໂດຍປົກກະຕິແລ້ວ AI ສາມາດແບ່ງອອກເປັນ 4 ກຸ່ມໄດ້ດັ່ງນີ້:
Acting Humanly: ການກະທຳທີ່ຄ້າຍມະນຸດ
- ສື່ສານກັບມະນຸດ ດ້ວຍພາສາທີ່ມະນຸດໃຊ້.
- ມີປະສາດສຳຜັດຄ້າຍມະນຸດ.
- ຫຸ່ນຍົນຊ່ວຍງານຕ່າງໆເຊັ່ນ: ດູດຝຸ່ນ, ຍ້າຍສິ່ງຂອງ ເປັນຕົ້ນ.
- Machine Learning ຫຼື ຄອມພິວເຕີເກີດການຮຽນຮູ້ໄດ້ ໂດຍສາມາດກວດຈັບຮູບແບບການເກີດເຫດການໃດໆ ແລ້ວປັບສູ່ສະພາບແວດລ້ອມທີ່ປ່ຽນໄປໄດ້.
Thinking Humanly: ການຄິດຄ້າຍຄືກັບມະນຸດ
ກ່ອນທີ່ຈະເຮັດໃຫ້ເຄື່ອງຄິດຄືກັນກັບມະນຸດໄດ້ ຕ້ອງຮູ້ກ່ອນວ່າມະນຸດມີຂະບວນການຄິດໄດ້ຢ່າງໃດ. ເຊິ່ງການວິເຄາະລັກສະນະການຄິດຂອງມະນຸດເປັນສາດດ້ານ Cognitive Science ເຊັ່ນ: ສຶກສາໂຄງສ້າງສາມມິຕິຂອງເຊລສະໝອງ, ການແລກປ່ຽນປະຈຸໄຟຟ້າລະຫວ່າງເຊລສະໝອງ, ວິເຄາະການປ່ຽນແປງທາງເຄມີໄຟຟ້າໃນຮ່າງກາຍລະຫວ່າງການຄິດ. ເຊິ່ງໃນປະຈຸບັນຄົນເຮົາຍັງບໍ່ຮູ້ແນ່ຊັດວ່າ ມະນຸດເຮົາຄິດໄດ້ຢ່າງໃດ.
Thinking rationally: ການຄິດຢ່າງມີເຫດຜົນ
ກໍ່ຄືການຄິດຢ່າງຖືກຕ້ອງ ໂດຍໃຊ້ຫຼັກການຕັກກະສາດໃນການຄິດຫາຄຳຕອບຢ່າງມີເຫດຜົນເຊັ່ນ: ລະບົບຜູ້ຊ່ຽວຊານ.
Acting rationally: ການກະທຳຢ່າງມີເຫດຜົນ
ກໍ່ຄືການເຮັດສິ່ງໃດໜຶ່ງໂດຍອີງໃສ່ຫຼັກການຢ່າງມີເຫດຜົນ, ເຮັດໃນສິ່ງທີ່ເໝາະສົມ ແລະ ຖືກຕ້ອງທີ່ສຸດ ເພື່ອໄປຍັງເປົ້າໝາຍທີ່ຕັ້ງໄວ້ເຊັ່ນ: ການເລືອກເດີນທາງໄປຍັງເປົ້າໝາຍ ດ້ວຍໄລຍະທາງທີ່ສັ້ນ ແລະ ປອດໄພສຸດ, ການວາງແຜນວ່າຄວນເຮັດແນວໃດ ເພື່ອເຮັດໃຫ້ເຮົາຊະນະການແຂ່ງຂັນໃດໜຶ່ງ ເປັນຕົ້ນ.
ຂອບໃຈແຫຼ່ງຂ່າວຈາກ:http://www.devcrown.com/
ຂອບໃຈແຫຼ່ງຂ່າວຈາກ: mahidol
ไม่มีความคิดเห็น:
แสดงความคิดเห็น