Sony RX100 V ກ້ອງດິຈິຕອລ ທີ່ວ່າກັນວ່າໂຟກັສໄວທີ່ສຸດໃນໂລກ

Sony ເປີດໂຕກ້ອງດິຈິຕອລລະດັບພຣີມ່ຽມ RX100 V ມາພ້ອມກັບໂປຣເຊສເຊີພາບລຸ່ນໃໝ່ BIONZ X ຊ່ວຍໃຫ້ຖ່າຍໃນຮູບແບບ RAW 24 ເຟຣມຕໍ່ວິນາທີສຳລັບ 150 ພາບ, ພ້ອມລະບົບໂຟກັສ PDAF 315 ຈຸດ, ອໍໂຕ້ໂຟກັສທີ່ໄວທີ່ສຸດໃນໂລກ ພາຍໃນເວລາພຽງ 0.05 ວິນາທີ ແລະ ຍັງມີໂໝດ AF-A ຊ່ວຍສະຫຼັບການຖ່າຍຮູບອັດຕະໂນມັດ ລະຫວ່າງໂໝດຖ່າຍຮູບຕໍ່ເນື່ອງ ກັບຖ່າຍຮູບດ່ຽວແບບອໍໂຕ້ໂຟກັສ ໂດຍການໃຊ້ເຊັນເຊີ Exmore RS CMOS ຂະໜາດ 1 ນິ້ວ, ຄວາມລະອຽດ 20.1 ລ້ານພິກເຊລ.

Sony RX100 V ໃຊ້ເລັນສ໌ Zeiss Vario-Sonnar 24-70 ມິລລີແມັດ, ຮູຮັບແສງສູງສຸດ F1.8 (W) – 2.8 (T), ຫຼຸດພາບສັ່ນໄຫວດ້ວຍ Optical Image Stabilization, ຮູເບິ່ງພາບ EVF OLED ແບບປ໊ອບອັບ, ຄວາມລະອຽດ 2.36 ລ້ານພິກເຊລ ແລະ ໃຊ້ຈໍສະແດງຜົນ TFT LCD ກວ້າງ 2.95 ນິ້ວ, ສາມາດປັບເງີຍໜ້າຂຶ້ນໄດ້ 180 ອົງສາ, ກົ້ມລົງໄດ້ 45 ອົງສາ ແລະ ບັນທຶກວີດີໂອໃນລະດັບ 4K Ultra HD.

Sony RX100 V ມີແຜນວາງຈຳໜ່າຍພາຍໃນເດືອນຕຸລານີ້ ໃນລາຄາ 999.99 ໂດລ່າ ຫຼື ປະມານ 8,080,000 ກີບ.

ຂອບໃຈແຫຼ່ງຂ່າວຈາກ: flashfly, Sony, devcrown