ເຊິ່ງ Mi Drone ນີ້ຈະມີຢູ່ 2 ຮຸ່ນ ເປັນຮຸ່ນ 1080P ແລະ 4K ໂດຍຕອນນີ້ຢູ່ໃນລະຫວ່າງການລະດົມທຶນ ແລ້ວຈະປ່ອຍຮຸ່ນ beta ໃຫ້ທົດສອບໃນເດືອນ ກໍລະກົດ ແລະຈະວາງຂາຍຫລັງຈາກນັ້ນ
ໂດຍ Mi Drone ນັ້ນຈະມີແກນປ້ອງກັນການສັ່ນເຖິງ 3 ແກນ ມີນ້ຳຫນັກພຽງ 140 ກຣາມ ໂດຍໄດ້ມີການເວົ້າວ່າກ່ອນຈະເປີດໂຕ Mi Drone ນີ້ໄດ້ມີການສຶກສາຄົ້ນຄວ້າຫລາຍກວ່າ 7 ປີແລະປັບປຸງແກ້ໄຂເປັນ 30 ເທື່ອເລີຍ
ສ່ວນໃນເລື່ອງຄວາມສາມາດຂອງ Drone ນີ້ກໍບໍ່ທຳມະດາເລີຍ ສາມາດບິນໄດ້ດົນເຖິງ 27 ນາທີ ທຽບເທົ່າ Drone ຮຸ່ນອ້າຍຢ່າງ Phantom 3 ແລະPhantom 4 ແບັດເຕີຣີກໍໃຫ້ມາເຖິງ 5100mAh ນອກຈາກນີ້ເຮົາຍັງສາມາດປ່ຽນແບັດເຕີຣີດ້ວຍແບັດເສີມໄດ້ງ່າຍໆນຳ
ມີ Auto-Pilot ແລະລະບົບ Auto-Homing ທີ່ເຮັດໃຫ້ໂດຣນສາມາດກັບມາຫາຢູ່ຈຸດບັງຄັບໄດ້ ພຽງປຸ່ມດຽວ ແລະຖ້າຫາກໂດຣນແບັດເຕີຣີຕ່ຳກໍຈະແຈ້ງເຕືອນໃຫ້ກັບມາຈຸດເລີ່ມຕົ້ນ ນອກຈາກນີ້ຍັງມີລະບົບ GPS ແລະ GLONASS ເພື່ອການລະບຸຕຳແຫນ່ງທີ່ດີຂຶ້ນ
ສຳລັບຮຸ່ນ 1080P ນັ້ນຈະມາພ້ອມກັບກ້ອງ Sony CMOS 16 ລ້ານພິກເຊວ ທີ່ມີມຸມກວ້າງເຖິງ 104 ອົງສາ ແລະໃນສ່ວນຂອງຮຸ່ນ 4K ນັ້ນຈະໃຊ້ກ້ອງ Sony12.4 ລ້ານພິກເຊວ ສາມາດຖ່າຍວິດີໂອໄດ້ດ້ວຍຄວາມລະອຽດເຖິງ 3840 x 2160 ພິກເຊວ ແລະຖ່າຍພາບເປັນຟາຍ RAW ສາມາດເບິ່ງພາບໄດ້ໄກເຖິງ 2 ກິໂລແມັດ
ສ່ວນເລື່ອງລາຄາແມ່ນ
ຮຸ່ນ 1080pP ຈະຢູ່ທີ່ 2,499 ຢວນ (ປະມານ 3,000,000 ກີບ)
ຮຸ່ນ 4K ຢູ່ທີ່ 2,999 ຢວນ (ປະມານ 3,700,000 ກີບ)
ເຊິ່ງຖ້າທຽບກັນແລ້ວຍັງຖືວ່າຖືກກວ່າ DJI Phantom ຢູ່ດີ ສະເປັກແຮງແຖມຍັງບໍ່ແພງອີກ
ຕົວຢ່າງຮູບທີ່ຖ່າຍຈາກໂດຣນ
ແຫລ່ງຂໍ້ມູນ: ecorneronline.com
ไม่มีความคิดเห็น:
แสดงความคิดเห็น