5 ເຫດຜົນສຳຄັນທີ່ເຮັດໃຫ້ Pixel ເປັນຕາຊື້ກວ່າ iPhone 7 Plus!!

ເປີດໂຕກັນແລ້ວສະມາດໂຟນ Pixel ຜະລິດຕະພັນລຸ່ນໃໝ່ສຸດຂອງ Google (ກົດເພື່ອອ່ານຂ່າວນີ້) ເຊິ່ງນອກຈາກສະເປັກທີ່ແຮງ ພ້ອມດ້ວຍດີໄຊນ໌ລະດັບພຣີມ່ຽມແລ້ວ ກໍ່ຍັງມີລາຄາສູງທຽບເທົ່າສະມາດໂຟນເຮືອທຸງຂອງຄ້າຍໃຫຍ່ໆເລີຍ ໂດຍສະເພາະ iPhone ຈາກ Apple.
ເຖິງແມ່ນວ່າ iPhone 7 Plus ຈາກ Apple ຈະເປັນ iPhone ທີ່ດີທີ່ສຸດຂອງ Apple ແຕ່ Pixel ກໍ່ຍັງມີສິ່ງທີ່ໜ້າສົນໃຈຫຼາຍກວ່າ iPhone 7 Plus ຢູ່ 5 ສິ່ງດ້ວຍກັນຄື:

1ໜ້າຈໍທີ່ຄັກກວ່າ

Pixel ແລະ Pixel XL ມາພ້ອມກັບໜ້າຈໍ Full HD ແລະ QHD ຕາມລຳດັບ ແລະ ເມື່ອໃຊ້ງານຮ່ວມກັບ Daydream VR ນັ້ນກໍ່ເຮັດໃຫ້ພາບຄົມຊັດຫຼາຍ, ສ່ວນ iPhone 7 ແລະ iPhone 7 Plus ນັ້ນມີຄວາມລະອຽດຢູ່ທີ່ 720p ແລະ 1080p ຕາມລຳດັບເທົ່ານັ້ນ.

2ມີຊ່ອງສຽບຫູຟັງ (ຮ່າຮ່າ)

ເລີ່ມຈາກທີ່ Apple ຖອດຫູຟັງອອກຈາກ iPhone 7 ແຕ່ຖ້າເຈົ້າຍັງຕ້ອງການຊ່ອງຊຸບຫູຟັງໂດຍກັງ, Pixel ກໍ່ຍັງເປັນທາງເລືອກທີ່ດີກວ່າ iPhone 7.

3ອັບໂຫຼດຮູບໄດ້ແບບບໍ່ຈຳກັດ

ຖືວ່າເປັນສິດທິພິເສດສຳລັບຜູ້ໃຊ້ງານຂອງ Google Pixel ເນື່ອງຈາກ Google ໄດ້ເປີດໃຫ້ຜູ້ໃຊ້ງານ Pixel ທຸກຄົນສາມາດອັບໂຫຼດຮູບພາບໂດຍບໍ່ຈຳກັດ. ຖືວ່າເປັນຈຸດແຂງກວ່າ iCloud ຂອງ Apple ເນື່ອງຈາກ iCloud ນັ້ນໃຫ້ໜ່ວຍຄວາມຈຳມາພຽງ 5GB ເທົ່ານັ້ນ.

4ກ້ອງທີ່ດີທີ່ສຸດ

Google ຢືນຢັນວ່າ Pixel ນັ້ນມີກ້ອງທີ່ດີທີ່ສຸດໃນບັນດາສະມາດໂຟນ ຈາກຄະແນນຂອງ DxOMark ເຊິ່ງໄດ້ຄະແນນສູງກວ່າ iPhone 7 ແລະ Galaxy S7 Edge. ແຕ່ເຖິງຢ່າງໃດກໍ່ຕາມ ນີ້ເປັນຜົນຂອງຄະແນນຈາກການທົດສອບເທົ່ານັ້ນ ຕ້ອງໄດ້ເບິ່ງພາບປຽບທຽບໂຕຈິງກັນອີກເທື່ອໃນອະນາຄົດ.

524/7 Customer Care

ບໍລິການໃໝ່ສະເພາະ Google Pixel ອີກແລ້ວ, ບໍລິການດັ່ງກ່າວຈະແຕກຕ່າງຈາກ Apple ບ່ອນທີ່ຜູ້ໃຊ້ງານຕ້ອງນຳເຄື່ອງໄປທີ່ Apple Store ຫຼື Genius Bar ເພື່ອຍື່ນເລື່ອງແກ້ໄຂບັນຫາ ແຕ່ສຳລັບ Pixel ນັ້ນ ຜູ້ໃຊ້ງານສາມາດຕິດຕໍ່ກັບທີມຊ່ວຍເຫຼືອໄດ້ຜ່ານໂຕເຄື່ອງເລີຍ.
ທັງໝົດນີ້ແມ່ນ 5 ເຫດຜົນສຳຄັນທີ່ Pixel ນັ້ນເປັນຕາຊື້ຫຼາຍກວ່າ iPhone 7 Plus ແຕ່ຢ່າງໃດກໍ່ຕາມບັນດາເຫດຜົນເຫຼົ່ານີ້ ກໍ່ບໍ່ສາມາດບົ່ງບອກໄດ້ວ່າ Pixel ດີກວ່າ iPhone.

ຂອບໃຈແຫຼ່ງຂ່າວຈາກ: beartai, TechnoBuffalo , devcrown